រៀបការអស់ ២៥ឆ្នាំ មហាសេដ្ឋី Bill Gates និងប្រពន្ធនៅតែលាងចានជាមួយគ្នារាល់យប់ ព្រោះ...

  • ច័ន្ទ ០១ កក្តដា, ២០១៩ ១៣:៣៥

អាមេរិក៖ ជីវិតច្បាស់ជាងាយស្រួលណាស់ នៅពេលអ្នករៀបការជាមួយនឹងមហាសេដ្ឋីពិភពលោក ត្រូវទេ? មនុស្សភាគច្រើនតែងគិតថា យើងមិនចាំបាច់ត្រូវធ្វើកិច្ចការផ្ទះអីទេ ព្រោះតែយើងមានលុយ យើងអាចជួលអ្នកបម្រើមកធ្វើកិច្ចការទាំងនោះបាន។

ប៉ុន្តែជាក់ស្តែងរហូតដល់បច្ចុប្បន្ននេះ មហាសេដ្ឋី Bill Gates និងប្រពន្ធ Melinda Gates នៅតែចំណាយពេលលាងចានជាមួយគ្នារាល់យប់។ វាគឺជារឿងដ៏សម្ងាត់មួយដែលពួកគេបានធ្វើរួមគ្នាអស់រយៈពេលរាប់ឆ្នាំដើម្បីរក្សាចំណងអាពាហ៍ពិពាហ៍ឱ្យបានរឹងមាំដូចសព្វថ្ងៃ។

មហាសេដ្ឋី Bill Gates និងប្រពន្ធ Melinda Gates

នៅក្នុងកិច្ចសម្ភាសន៍ជាមួយសារព័ត៌មានបរទេសមួយ អ្នកស្រី Melinda បានចែករំលែករឿងស្នេហារបស់អ្នកស្រីថា គាត់បានជួបនឹងលោក Bill Gates កាលពីឆ្នាំ១៩៨៧ នៅពេលអ្នកស្រីកំពុងតែធ្វើការនៅក្នុងក្រុមហ៊ុន Microsoft។ មិនយូរប៉ុន្មាន ពួកគេក៏ចាប់ចិត្តស្រលាញ់គ្នា ហើយគិតមកដល់ពេលបច្ចុប្បន្ននេះ ពួកគេបាននិងកំពុងតែរួមរស់ជាមួយគ្នាអស់រយៈពេលជាង ២៥ឆ្នាំ និងមានកូនប្រុស-ស្រី ៣នាក់។

បន្ថែមពីនេះទៀត ពួកគេក៏ជាស្ថាបនិកនៃមូលនិធិ Bill & Melinda Gates Foundation ក្នុងគោលបំណងធ្វើរឿងសប្បុរសធម៌ និងជួយអ្នកក្រីក្រផងដែរ។

នៅពេលអ្នកស្រី Melinda មានផ្ទៃពោះជាលើកដំបូងនោះ អ្នកស្រីតែងតែមានអារម្មណ៍ឯកោជានិច្ច ព្រោះតែលោក Bill Gates តែងតែរវល់ជាមួយការងារក្នុងនាមជានាយកប្រតិបត្តិ Microsoft។

មហាសេដ្ឋី Bill Gates និងប្រពន្ធ Melinda Gates

ប៉ុន្តែអ្វីៗក៏ចាប់ផ្តើមផ្លាស់ប្តូរទៅជាល្អប្រសើរឡើង ព្រោះតែពួកគេចំណាយពេលនិយាយពីបញ្ហាប្រាប់គ្នាទៅវិញទៅមក។ ជាក់ស្តែង នៅគ្រានោះ ពួកគេបានចាប់ផ្តើមលាងចានជាមួយគ្នា។

អ្នកស្រី Melinda បានមានប្រសាសន៍ថា៖

ភ្លាមៗនោះ លោក Bill Gates ក៏បានជួយលាងចានប្រពន្ធ ហើយចាប់តាំងពីពេលនោះមក ពួកគេចែករំលែកកិច្ចការផ្ទះជាមួយគ្នារាល់ថ្ងៃ។ ខណៈពេលការលាងចានគឺជារឿងសាមញ្ញសម្រាប់អ្នកដទៃ ប៉ុន្តែចំពោះអ្នកស្រី Melinda វិញ គាត់ជឿថា វាគឺជារឿងសំខាន់សម្រាប់អ្នកស្រីនិងស្វាមីគាត់ ហើយការចែករំលែកទំនួលខុសត្រូវនៅក្នុងផ្ទះរវាងប្តីនិងប្រពន្ធឱ្យបានស្មើគ្នាគឺជាការធ្វើឱ្យចំណងអាពាហ៍ពិពាហ៍របស់ពួកគេបានគង់វង្ស៕

គ្រួសារលោក Bill Gates