កម្មវិធីផ្សព្វផ្សាយភាពយន្តថៃលើកទី៦ នឹងប្រព្រឹត្តទៅនៅថ្ងៃទី២៤ ខែកក្កដា ឆ្នាំ២០១៩

  • សៅរ៍ ២០ កក្តដា, ២០១៩ ១០:២០

ភ្នំពេញ៖​ ថ្ងៃទី១៩ ខែកក្កដា ឆ្នាំ២០១៩​ កម្មវិធីផ្សព្វផ្សាយភាពយន្តថៃលើកទី៦ ត្រូវបានរៀបចំដោយ ស្ថានឯកអគ្គរាជទូតថៃនៅ រាជធានីភ្នំពេញ ប្រចាំកម្ពុជា និងស្ថានតំណាងពាណិជ្ជកម្មថៃប្រចាំរាជធានីភ្នំពេញ (DITP), ក្រសួងពាណិជ្ជកម្មរបស់ប្រទេសថៃ ដែលនឹងប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៨​ ខែកក្កដា ឆ្នាំ២០១៩​ នៅរោងភាពយន្ត Major Cineplex នៅក្នុងផ្សារទំនើប អ៊ីអន ម៉ល សែនសុខ ស៊ីធី និង រោងភាពយន្ត Legend Cinema ស្ថិតនៅផ្សារទំនើប City Mall។

កម្មវិធីផ្សព្វផ្សាយភាពយន្តថៃលើកទី៦

ឯកឧត្តម Panyarak Poolthup ឯកអគ្គរាជទូត ប្រចាំស្ថានឯកអគ្គរាជទូតថៃនៅ រាជធានីភ្នំពេញប្រចាំកម្ពុជាបាននិយាយថា៖

ឯកឧត្តម Panyarak Poolthup

- កម្មវិធីផ្សព្វផ្សាយភាពយន្តថៃឆ្នាំ២០១៩​ ចាប់ពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០១៩ ត្រូវបានរៀបចំរួមគ្នាដោយស្ថានតំណាងពាណិជ្ជកម្មអន្តរជាតិនៃប្រទេសថៃ និងក្រសួងការបរទេសនៃប្រទេសថៃ ព្រមទាំងមានកិច្ចសហប្រតិបត្តិការពីរោងភាពយន្ត Major Cineplex នៅផ្សារទំនើប អ៊ីអន ម៉ល សែនសុខ និងរោងភាពយន្ត Legend Cinema ស្ថិតនៅផ្សារទំនើប City Mall។

- ក្នុងអំឡុងពេល៥ថ្ងៃនេះ ខ្សែភាពយន្តថៃចំនួនមួយនឹងត្រូវបានចាក់បញ្ចាំងជារៀងរាល់ថ្ងៃ នៅរោងភាពយន្ត Major Cineplex ផ្សារទំនើប អ៊ីអន ម៉ល សែនសុខ និងនៅរោងភាពយន្ត Legend Cinema ស្ថិតនៅផ្សារទំនើប City Mall ហើយការចាក់បញ្ចាំងនេះត្រូវបានបើកចំហដល់សាធារណជន ដោយចូលទស្សនាឥតគិតថ្លៃ។

- លើសពីនេះទៅទៀត យើងក៏នឹងរៀបចំសិក្ខាសាលាមួយស្តីពីការផលិតខ្សែភាពយន្តនៅថ្ងៃទី២៤ ខែកក្ក ដា ឆ្នាំ២០១៩ ផងដែរ ដោយផ្តោតទៅលើការបង្កើតសាច់រឿង ការជ្រើសរើសបរិយាកាសនៅក្នុងសាច់រឿង និងការផលិត នៅសាល អ៊ីអន (AEON Hall) ស្ថិតនៅជាន់ទី៣ នៃផ្សារទំនើប អ៊ីអន ម៉ល សែនសុខ បន្ទាប់មកគឺការទំនាក់ទំនងគ្នារវាងអ្នកជំនួញ និងអ្នកជំនួញ។ សកម្មភាពទាំងពីរនេះត្រូវបានរៀបចំឡើង ដើម្បីបង្កើតនូវវេទិកាជួបជុំមួយរវាងផលិតករភាពយន្តថៃ និងផលិតករភាពយន្តកម្ពុជា ដើម្បីចែករំលែកបទពិសោធន៍ និងរៀនសូត្រពីគ្នាទៅវិញទៅមក។

លោក Jirawuth Suwanana-arj អគ្គទីប្រឹក្សាពាណិជ្ជកម្ម ប្រចាំស្ថានឯកអគ្គរាជទូតថៃនៅ រាជធានីភ្នំពេញ ប្រចាំកម្ពុជា និងជានាយកនៃ ស្ថានតំណាងពាណិជ្ជកម្មថៃប្រចាំរាជធានីភ្នំពេញ (DITP) បានប្រសាសន៍ថា៖​ 

លោក Jirawuth Suwanana-arj