ប្រុងប្រយ័ត្ន! ក្មេងប្រុសអាយុ២ឆ្នាំម្នាក់ ត្រូវបានខ្លា.រខិនខ្វាចនៅក្នុងសួនសត្វ (មានវីដេអូ)

  • ព្រហស្បតិ៍ ២៩ សីហា, ២០១៩ ១០:១៨
ថៃ៖ ថ្ងៃដ៏រីករាយនៅក្នុងសួនសត្វ បានប្រែក្លាយទៅជាថ្ងៃដ៏អាក្រក់សម្រាប់ក្រុមគ្រួសារមួយ។ ជាក់ស្ដែង ក្មេងប្រុសអាយុ២ឆ្នាំម្នាក់ត្រូវបានខ្លា.រខិនខ្វាចបណ្ដាលឲ្យរងរបួស។ ហេតុការណ៍នេះបានកើតឡើងនៅថ្ងៃទី២២ ខែសីហា ឆ្នាំ២០១៩កន្លងទៅនេះ នៅក្នុងសួនសត្វ Namuang នៅកោះសាម៉ុយ ក្នុងប្រទេសថៃ។ប្រភពបានឲ្យដឹងថា នៅក្នុងថ្ងៃកើតហេតុ ក្មេងប្រុសឈ្មោះ Orr Bunrs អាយុ២ឆ្នាំ រួមទាំងក្រុមគ្រួសាររបស់គេដែលជាជនជាតិអ៊ីស្រាអែល បានមកកម្សាន្តសួនសត្វ Namuang។ បន្ទាប់ពីថតរូបលេងជាមួយសត្វដំរីរួចមក ពួកគេក៏បានទៅដល់ជម្រកខ្លា.រខិនដើម្បីថតរូបលេង។ ដោយគិតថាប្រាកដជាមានអ្នកយាមនៅក្នុងនោះ ឪពុករបស់ក្មេងប្រុសរងគ្រោះបានបើកទ្វារ ក៏ឃើញខ្លា.រខិននៅចំពីមុខរបស់គាត់ គាត់ក៏ភ្ញាក់និងដើរថយក្រោយដោយមិនបិទទ្វារវិញ។ ភ្លាមៗនោះ ខ្លា.រខិនដើរចេញទៅក្រៅបាន និងខ្វាចទៅលើថ្ពាល់ក្មេងប្រុសរងគ្រោះបណ្ដាលឲ្យហូរឈាមយ៉ាងខ្លាំង។ ក្មេងប្រុសរងគ្រោះក៏ត្រូវបានបញ្ជូនទៅកាន់មន្ទីរពេទ្យភ្លាមៗ។
ឪពុករបស់ក្មេងប្រុសរងគ្រោះបើកទ្វារ
យោងតាមវីដេអូដែលថតបានដោយកាមេរ៉ាសុវត្ថិភាពបានបង្ហាញឲ្យឃើញថា ខ្លា.រខិនដើរចេញទៅក្រៅបានប្រហែលជា១០វិនាទី បុគ្គលិកនៅក្នុងសួនសត្វបានដេញវាឲ្យចូលទៅក្នុងវិញផងដែរ។ប្រភពបានបន្ដថា ក្រុមគ្រួសាររបស់ក្មេងប្រុសរងគ្រោះពិតជាមិនពេញចិត្តសម្រាប់ការធ្វើការរបស់បុគ្គលិកក្នុងសួនសត្វនោះទេ ព្រោះរាល់សត្វនីមួយៗគួរតែមានអ្នកចាំមើលថែនៅពេលដែលភ្ញៀវដើរកម្សាន្ដ។
ខ្លា.រខិននោះ
លោក Naphat Pleumsut ដែលជាអ្នកគ្រប់គ្រងសួនសត្វបានឲ្យដឹងថា ក្រុមគ្រួសាររបស់ក្មេងប្រុសរងគ្រោះជាអ្នកបើកទ្វារ ដែលជាហេតុបណ្ដាលឲ្យខ្លា.រខិនចេញក្រៅរួច វាគឺជាកំហុសទាំងសងខាង។ ម៉្យាងវិញទៀត អំឡុងពេលនោះ មានភ្ញៀវទេសចរណ៍ច្រើន ខ្លា.រខិនប្រហែលជាមានអារម្មណ៍ភ័យទើបបណ្ដាលឲ្យវាខ្វាចទៅលើក្មេងប្រុសនោះ។យ៉ាងណាមិញ ខាងសួនសត្វនឹងចេញថ្លៃព្យាបាលរបួសទៅឲ្យក្មេងប្រុសរងគ្រោះ និងពង្រឹងសុវត្ថិភាពក្នុងសួនសត្វ ដោយបិទប្រកាសនៅមាត់ទ្វារជម្រកខ្លា.រខិនថា៖ សូមទស្សនាវីដេអូខាងក្រោម