ស្ត្រីម្នាក់អាងអំណាច ទះកំផ្លៀងសន្ដិសុខព្រោះតែមិនព្រមយកអាហារទៅឲ្យនាងដល់បន្ទប់ (មានវីដេអូ)

  • អាទិត្យ ០១ កញ្ញា, ២០១៩ ១៤:២៣
ម៉ាឡេស៊ី៖ ស្ត្រីម្នាក់អាងខ្លួនមានអំណាច ហ៊ានលើកដៃទះកំផ្លៀងសន្ដិសុខព្រោះតែមិនព្រមយកអាហារដែលនាងកុម៉្មង់ទៅឲ្យដល់បន្ទប់។ ហេតុការណ៍នេះបានកើតឡើងនៅថ្ងៃទី២៩ ខែសីហា ឆ្នាំ២០១៩កន្លងទៅនេះ វេលាម៉ោង៤:១៥នាទីរសៀល នៅខុនដូមួយកន្លែង ក្នុងទីក្រុងគូឡាឡាំពួរ ប្រទេសម៉ាឡេស៊ី។ប្រភពបានឲ្យដឹងថា ស្ត្រីម្នាក់ត្រូវបានបញ្ចេញអត្តសញ្ញាណត្រឹមឈ្មោះ Datin (ប្រពន្ធអ្នកមានអំណាច) បានកុម៉្មង់អាហារពីភោជនីយដ្ឋានតាមអនឡាញ។ នៅពេលដែលអ្នកដឹកជញ្ជូនមកដល់ខុនដូ សន្ដិសុខបានប្រាប់នាងឲ្យចុះទៅខាងក្រោមដើម្បីទទួលអាហាររបស់នាង។ នាងក៏បានបញ្ជាសន្តិសុខឲ្យយកអាហារមកដល់មុខបន្ទប់របស់នាង ប៉ុន្ដែសន្ដិសុខមិនព្រមព្រោះវាខុសទៅនឹងច្បាប់ការងាររបស់សន្ដិសុខ ម៉្យាងវិញទៀតវាមិនមែនជាកាតព្វកិច្ចដែលសន្តិសុខត្រូវធ្វើ។អ្នកគ្រប់គ្រងខុនដូបានឲ្យដឹងដែរថា ខាងខុនដូមិនអនុញ្ញាតឲ្យអ្នកដឹកជញ្ជូនឡើងទៅជាន់ខាងលើនោះទេ ព្រោះដើម្បីការពារសុត្ថិភាពជូនភ្ញៀវដែលស្នាក់នៅ។ យោងតាមវីដេអូដែលបានថតជាប់កាមេរ៉ាសុវត្ថិភាពបានបង្ហាញឲ្យឃើញថា ស្ត្រីដែលអាងខ្លួនមានអំណាចនោះ កំពុងបញ្ចេញអាកប្បកិរិយាមិនពេញចិត្ត រួចក៏ដើរទៅទះសន្ដិសុខមួយកំផ្លៀង។ សន្ដិសុខនោះបានត្រឹមតែឈរឱបដៃនៅស្ងៀមប៉ុណ្ណោះ។
ទិដ្ឋភាពក្នុងថ្ងៃកើតហេតុ
ទិដ្ឋភាពក្នុងថ្ងៃកើតហេតុ
យ៉ាងណាមិញ កាលពីថ្ងៃទី៣០ ខែសីហា ឆ្នាំ២០១៩កន្លងទៅនេះ អ្នកគ្រប់គ្រងខុនដូក៏បានដាក់ពាក្យប្ដឹងទៅប៉ូលិស ព្រោះវាជាអាកប្បកិរិយាអសីលធម៌ដែលមិនគួរកើតមាន៕ សូមទស្សនាវីដេអូខាងក្រោម៖