ប្រែហើយពេលនេះ Jack តួប្រុសរឿង«Titanic» ក្លាយជាលោកអ៊ំចាស់ នាំស្រីក្មេងទៅលេងសមុទ្រ!

អាមេរិក៖ កាលពីចុងសប្តាហ៍កន្លងទៅថ្មីៗនេះ គេបានប្រទះឃើញលោក Leonardo Dicaprio តួឯកប្រុសរឿង«Titanic» បានធ្វើដំណើរទៅដើរលេងកម្សាន្តលំហែរកាយនៅឯឆ្នេរសមុទ្រ Malibu សហរដ្ឋអាមេរិកយ៉ាងសប្បាយរីករាយ ជាមួយនឹងមិត្តស្រីវ័យក្មេងរបស់លោក ដែលជាតារាសម្តែងស្រីវ័យ២២ឆ្នាំ នាង Camila Morrone។តួយ៉ាង គេសង្កេតឃើញថា អ្នកទាំងពីរបានចំណាយពេលលេងបាល់ទះកម្សាន្តនៅឆ្នេរខ្សាច់ ជាមួយនឹងមិត្តភក្តិជិតដិត ដោយឡែកអ្វីដែលធ្វើឲ្យអ្នកគាំទ្រមានការខកចិត្តនោះ គឺសម្រស់និងរូបរាងរបស់តារាសម្តែងប្រុសជើងចាស់វ័យ៤៤ឆ្នាំ លោក Leonardo រូបនេះ ហាក់បីដូចជាលោកអ៊ំចាស់លក់ស្រាបៀរនៅលើឆ្នេរសមុទ្រដូច្នោះដែរ ខណៈពេលដែលមិត្តស្រីរបស់លោក មានវ័យក្មេងចង្កេះតូចរូបរាងស្រឡូន ស្រស់ស្អាត​ ផ្ទុយគ្នាស្រឡះពីលោកតែម្តង។ប៉ុន្តែមិនថាយ៉ាងណា បើទោះបីជាអ្នកទាំងពីរមានវ័យខុសគ្នារហូតដល់ទី២២ឆ្នាំយ៉ាងណាក្តី ប៉ុន្តែមើលទៅអ្នកទាំងពីរពិតជាមានភាពចុះសម្រុងនឹងគ្នាបានល្អណាស់ អ្នកទាំងពីរបានចំណាយពេលលេងសប្បាយជាមួយគ្នា បង្ហាញភាពផ្អែមល្ហែមរ៉ូមែនទិកដាក់គ្នាមិនចាញ់ គូស្នេហ៍ក្មេងៗឡើយ។ មិនតែប៉ុណ្ណោះ បើគិតមកទល់ពេលនេះលោក Leonardo និង Camila ទាក់ទងស្រលាញ់គ្នាបានរយៈពេលជាង២ឆ្នាំមកហើយ៕
LeonardoនិងCamila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ
Leonardo និង Camila ដើរលេងកម្សាន្តនៅឆ្នេរសមុទ្រ