ប្រហែលជាមានមនុស្សតិចណាស់ ដែលស្គាល់ទន្លេថ្ម ដ៏អាថ៌កំបាំងមួយនេះ (មានវីដេអូ)

រុស្ស៊ី៖ ការពិតទៅទន្លេថ្ម គេឃើញមានច្រើននៅក្នុងប្រទេសមួយចំនួនជុំវិញពិភពលោក តែបើនិយាយពីភាពស្រស់ស្អាត និងទាក់ទាញវិញ ប្រហែលជាមានតិចណាស់ ហើយមនុស្សភាគច្រើនក៏កម្រនឹងស្គាល់ទន្លេថ្មដ៏ស្រស់ស្អាតផងដែរ ​​​​​។ប៉ុន្តែថ្ងៃនេះ ខ្មែរឡូត និងនាំអារម្មណ៍លោកអ្នកឲ្យស្គាល់ ទន្លេថ្មដ៏ស្រស់ស្អាតមួយដែលកំពុងលាក់ខ្លួន នៅឯឧទ្យាន Taganai តំបន់ឆេលីបាប៊ីន ភាគខាងត្បូងនៃភ្នំអ៊ុយរ៉ាល់ ប្រទេសរុស្ស៊ី ដែលលាតសន្ធឹងប្រវែងប្រហែល គីឡូម៉ែត្រ ឆ្លងកាត់ព្រៃស្រល់ដ៏ក្រាស់មួយ។ ដោយសារការហូរច្រោះខ្លាំងពេក ទន្លេនេះក៏ចេះតែពង្រីកខ្លួនពីមួយថ្ងៃទៅមួយថ្ងៃ ដែលពីដំបូងវាមានទទឹងជាមធ្យមត្រឹមតែប្រវែង ២០ ម៉ែត្រប៉ុណ្ណោះ ក្រោយមកក៏បានពង្រីកខ្លួនដល់ ២០០ ម៉ែត្រ(កន្លែងខ្លះរហូតដល់ ៧០០ ម៉ែត្រ)។ ហើយសព្វថ្ងៃ វាគឺជាទន្លេដ៏ធំមួយ និងស្អាតបំផុតនៅរុស្ស៊ី។នេះបើយោងទៅតាមអ្នកវិទ្យាសាស្រ្តបានឲ្យដឹងថា ផ្ទាំងថ្មដ៏ធំទាំងនេះកើតចេញពីបំណែករបស់ផ្ទាំងទឹកកក ដែលបែកចេញពីកំពូលដ៏ខ្ពស់នៃភ្នំតាណាណៃ កាលពីជាង ១០,០០០ ឆ្នាំមុន ហើយបានហូរចុះទៅជ្រលងភ្នំ ព្រមទាំងបានបន្សល់ទុកដាននៃប្រភេទរ៉ែថ្មខៀវម្យ៉ាង៕
ទន្លេថ្ម នៅរុស្ស៊ី
ទន្លេថ្ម នៅរុស្ស៊ី
ទន្លេថ្ម នៅរុស្ស៊ី