អ្នកលើសគីឡូមានសង្ឃឹមហើយ! ក្មេងប្រុសដែលមាន​ទម្ងន់ធ្ងន់​ជាងគេលើលោក បាន​ស្រក​ទម្ងន់​ដោយសារ​វិធី​នេះ (វីដេអូ)

ឥណ្ឌូនេស៉ី៖ អាយុទើបតែ ១១ ឆ្នាំ Arya Permana ទទួលបានពានរង្វាន់ជាក្មេងប្រុសដែលធាត់បំផុតនៅលើ​ពិភព​លោក។​​  គាត់មានទម្ងន់ធ្ងន់ដែលមានផ្នត់សាច់ជិត ៣០ ផ្នត់ ហើយនៅពេលគាត់មានអាយុ ១០ ឆ្នាំគាត់ស្ទើរតែមិនអាចដើរដោយគ្មានអ្នកជួយ។ Arya ដែលមកពី​ប្រទេសឥណ្ឌូនេស៊ីរូបនេះ​ត្រូវប្រើបន្ទប់ទឹកធំណាស់ ហើយពេលងូតទឹកម្ដងៗគាត់ត្រូវប្រើអាងទឹក​នៅខាងក្រៅ​ផ្ទះរបស់គាត់។
ចំណែកឯរបបអាហាររបស់គាត់មានមីកញ្ចប់ សាច់មាន់បំពង និងភេសជ្ជៈមានជាតិខ្លាញ់ច្រើន។ Arya ម្នាក់ឯងមានទម្ងន់ស្មើនឹងក្មេងប្រុសមធ្យមចំនួន ៦ នាក់ ហើយគាត់មានសភាពធ្ងន់ធ្ងរណាស់ ព្រោះមិនអាច​ទៅរៀនបានទេ គាត់ត្រូវតែរៀននៅផ្ទះ។
ឪពុកម្តាយរបស់គាត់និយាយថា ពួកគេបានព្យាយាមលើកទឹកចិត្តកូនប្រុសរបស់ពួកគេឱ្យញ៉ាំអាហារ ដែលមាន​សុខភាពល្អ ប៉ុន្តែវាមិនជាការជួយទេ បែរជាបានបំផ្លាញគាត់ទៅវិញ។ ឪពុករបស់គាត់ឈ្មោះ Ade Somantri បាននិយាយថា“ ខ្ញុំហាក់បានបំផ្លាញកូនប្រុសរបស់ខ្ញុំ Arya ចាប់តាំងពីគេមានអាយុ ៥ ឆ្នាំ“។ "ប្រសិនបើគាត់ចង់ញ៉ាំ អាហារផ្អែម និងភេសជ្ជៈផ្អែមៗយើងបានតែឱ្យគាត់ ប្រសិនបើគាត់ចង់បានមីកញ្ចប់​យើងគ្រាន់តែចម្អិន​ឱ្យគាត់​ប៉ុណ្ណោះ" ។ Arya បានញ៉ាំអាហារបែបនេះ ៥ ពេលធំៗក្នុងមួយថ្ងៃ ដែលបានធ្វើឱ្យ Arya អស់សង្ឃឹម​ក្នុងការស្រកទម្ងន់។
ក្រោយមកបានប៉ះពាល់យ៉ាងធ្ងន់ធ្ងរដល់សុខភាពរបស់ Arya ដោយគាត់មិនអាចដើរបានលើសពី ៥ នាទីទេ មុននឹងបន្តដំណើរទៅមុខទៀត។ វេជ្ជបណ្ឌិតបានព្យាយាមបញ្ចុះបញ្ចូលឪពុកម្តាយរបស់ Arya ឱ្យផ្តល់ការអនុញ្ញាតពេទ្យធ្វើការវះកាត់ឱ្យកូន​ប្រុសរបស់​គាត់ ដែលអាចឱ្យកូនរបស់គាត់ស្រកទម្ងន់បាន។ ដំបូងពួកគាត់មានភាពស្ទាក់ស្ទើរក្នុងការអនុញ្ញាត​ឱ្យកូនប្រុសរបស់​ពួកគាត់​ធ្វើការវះកាត់ ប៉ុន្តែពួកគាត់ក៏យល់ព្រមនៅពេលដឹងថាជីវិតរបស់កូនពួកគាត់ស្ថិតក្នុងភាពគ្រោះថ្នាក់។ ប្រតិបត្តិការវះកាត់នេះធ្វើឡើងនៅមន្ទីពេទ្យក្នុងរដ្ឋធានីហ្សាកាតា ប្រទេសឥណ្ឌូនេស៊ី ដោយចំណាយពេល ៥ ម៉ោង ហើយមួយខែក្រោយមក Arya បានស្រកគីឡូចំនួន ៥ ផ្នត់។
Arya មានការធុញទ្រាន់ និងតូចចិត្តយ៉ាងខ្លាំងដោយសារតែគាត់ចូលចិត្តញ៉ាំ ប៉ុន្តែបន្ទាប់ពីវះកាត់ក្រពះរួច​មកគាត់នឹងក្អួតប្រសិនបើគាត់ញ៉ាំច្រើន” ។ ធ្លាប់តែញ៉ាំពីរចានធំៗររាល់ពេល ឥឡូវនេះ Arya ញ៉ាំឆាប់ឆ្អែតណាស់ ដោយគ្រាន់តែញ៉ាំអាហារតែ ៧ ស្លាបព្រាប៉ុណ្ណោះ។ បន្តិចម្ដងៗ Arya ចាប់ផ្តើមស៊ាំនឹងរបបអាហារថ្មីរបស់គាត់ ហើយឥឡូវនេះគាត់ចូលចិត្តញ៉ាំត្រីសាច់ បន្លែ ស៊ុប និងផ្លែឈើ។ Arya បានស្រកទម្ងន់ល្មមនឹងអាចដើរទៅសាលារៀនបានហើយ ព្រមទាំងរីករាយដែលបានត្រលប់​មកលេងជាមួយ​មិត្តភក្តិរបស់គាត់វិញ។ ឥឡូវគាត់ក៏អាចលេងកីឡាដែលគាត់ស្រឡាញ់ ប៉ុន្តែមិនអាចចូលរួមបានយូរទេ។ Arya បាននិយាយថា“ ពេលនេះខ្ញុំសប្បាយចិត្តជាង ព្រោះខ្ញុំអាចលេងបាល់ទាត់ ដើរលេងជាមួយមិត្តភក្តិ និងដើរលេង​តាមដងទន្លេជាដើម។ “បើនិយាយពីអតីតកាលខ្ញុំមិនអាចធ្វើអ្វីបាន ឬទៅកន្លែងណាទេ មិនអាចលេងបាល់ទាត់ ហើយខ្ញុំក៏មិនអាចលេងកីឡាវាយសីបានទេ តែពេលនេះខ្ញុំអាចធ្វើវាបាន”។
អាងទឹកនៅក្រៅផ្ទះដែលគាត់ធ្លាប់ងូតទឹកនៅពេលនេះត្រូវបានជំនួសដោយរុក្ខជាតិ ពីព្រោះគាត់លែងត្រូវការវាហើយ ជាងនេះទៀត Arya ក៏ចង់ក្លាយជាកីឡាករបាល់ទាត់នៅថ្ងៃមួយ។ ទោះជាយ៉ាងណាក៏ដោយការស្រកទម្ងន់ដ៏មិនគួរឱ្យជឿរបស់គាត់ ដែលឥឡូវនេះគាត់បានស្រកលើសពី ១៦ ផ្នត់  ដោយត្រូវបានបន្សល់ទុកនូវផ្នត់ស្បែកដ៏យារចាស់។ ហើយគាត់ក៏សង្ឃឹមថានឹងដោះស្រាយរឿងនេះបានឆាប់ៗ។
ហើយឪពុកម្តាយរបស់គាត់រីករាយយ៉ាងខ្លាំង ដែលឃើញកូនប្រុសរបស់គាត់អាចស្រកទម្ងន់បានបែបនេះ។ ឪពុករបស់គាត់បាននិយាយថា“ឥឡូវនេះ Arya អាចលេងបាល់ទាត់ ឬ​ បាល់ទះជាមួយមិត្តភក្តិរបស់គាត់​បានហើយ។” "ពីអ្វីដែលខ្ញុំបានសង្កេតអំពីស្ថានភាពផ្លូវចិត្តរបស់គាត់ គាត់កាន់តែមានទំនុកចិត្តលើខ្លួនឯងណាស់" ។ អ្នកបង្ហាត់បង្រៀនផ្ទាល់ខ្លួនរបស់ Arya ក៏បានពណ៌នាថា Arya គឺជា“ និមិត្តរូបនៃក្តីសង្ឃឹម” សម្រាប់អ្នកដែល​ត្រូវការសម្រកទម្ងន់។ គ្រូបង្គោល Ade Rai បានពន្យល់ថា“ យោងទៅតាមឪពុកម្តាយរបស់ Arya ដំបូងគាត់​មានទម្ងន់ ៨៥ គីឡូក្រាម មុនពេលគាត់ឃ្លានខ្លាំង។ ឥឡូវនេះ Arya គឺជានិមិត្តរូបនៃក្តីសង្ឃឹម ហើយមានមនុស្ស​ជាច្រើនបាននិយាយថាសូម្បីតែ Arya ក៏អាចស្រកទម្ងន់បានដែរ ដូច្នេះហេតុអ្វីខ្ញុំមិនអាចធ្វើបាន?”