អ្នកឆ្លងវីរុសកូវីដ១៩ នៅលើពិភពលោក បន្ដកើនឡើងជាង៧សែននាក់!

  • ច័ន្ទ ៣០ មីនា, ២០២០ ១៤:០៥
បើគិតត្រឹមវេលាម៉ោង១១ព្រឹក ថ្ងៃទី៣០ ខែមីនា ឆ្នាំ២០២០ (ម៉ោងនៅកម្ពុជា) ចំនួនអ្នកឆ្លងវីរុស កូវីដ១៩ នៅលើពិភពលោក មិនមានសញ្ញាថមថយឡើយ ហើយបន្ដកើតឡើងជាលំដាប់ រហូតដល់ ៧២២.១៩៦ នាក់ ក្នុងនោះស្លាប់ ៣៣៩៧៦ នាក់ និងជាសះស្បើយចំនួន ១៥១.៧៦៦ នាក់។វីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា ហៅកាត់ កូវីដ១៩ នេះ បានផ្ទុះឡើងដំបូង នៅក្នុងទីក្រុងវូហាន ខេត្តហ៊ូប៉ី ប្រទេសចិន កាលពីអំឡុងខែធ្នូ ឆ្នាំ២០១៩ ប៉ុន្ដែរហូតមកដល់ពេលនេះ ចិនគ្រប់គ្រងជាបណ្ដោះ​អាសន្នបានទាំងស្រុង ប៉ុន្ដែប្រទេសមហាអំណាចលេខ១ ទាំងសេដ្ឋកិច្ច និងយោធារបស់ពិភលោក គឺអាមេរិក បែរជាមានការឆ្លងរាលដាលយ៉ាងខ្លាំង គួរព្រួយបារម្ភបំផុត។
រហូតមកដល់ថ្ងៃទី៣០ ខែមីនានេះ នៅលើទឹកដីអាមេរិក មានអ្នកឆ្លងវីរុសកូវីដ១៩ ចំនួន ១៤២.១៧៨ នាក់ ក្នុងនោះស្លាប់ ២៤៨៤ នាក់ និងជាសះស្បើយ ៤៥៥៩ នាក់។ បច្ចុប្បន្ន អាមេរិកក្លាយជាប្រទេសឈរ​ក្នុង​លំដាប់​លេខ១ នៃតារាងអ្នកឆ្លងវីរុសកូវីដ១៩ ខណៈអ៊ីតាលីឈរលំដាប់ លេខ២ មានអ្នកឆ្លង ៩៧៦៨៩ នាក់ ក្នុងនោះស្លាប់ ១០៧៧៩ នាក់។រីឯប្រទេសចិន ជាប្រភពនៃការផ្ទុះឡើងវីរុសកូវីដ១៩នោះ បានធ្លាក់​មក​លំដាប់លេខ​៣ នៃតារាងនេះ ដោយមានអ្នកឆ្លង ចំនួន ៨១៤៧០ នាក់ ក្នុងនោះស្លាប់ ៣៣០៤ នាក់ និងជាសះស្បើយ ៧៥៧០០ នាក់៕
រីឯប្រទេសចិន ជាប្រភព នៃការផ្ទុះឡើងវីរុសកូវីដ១៩នោះ បានធ្លាក់​មក​លំដាប់លេខ​៣ នៃតារាងនេះ ដោយមានអ្នកឆ្លង ចំនួន ៨១៤៧០នាក់ ក្នុងនោះស្លាប់៣៣០៤នាក់ និងជាសះស្បើយ៧៥៧០០នាក់៕