ពណ៌​បង្កប់​ចិត្ត! បុរស​​អាច​​សង្កេត «ចរិតនារី» តាមរយៈ​ពណ៌​ផ្កា​​កុលាប​​ដែល​​នាង​​ចូល​ចិត្ត​​

មនុស្សស្រីភាគច្រើនតែងតែចូលចិត្ត និងស្រលាញ់ផ្កា ដែលនេះហើយបានជាគ្រប់ពេលមនុស្សស្រីខឹង បុរសជា​គូស្នេហ៍​តែងតែទិញនូវផ្កាកុលាបមកលួងជានិច្ច។ ​តែប្រសិនបើបុរសអាចសង្កេតមើល និងដឹងពីអត្ថន័យនៃផ្កាកុលាប​នោះវាកាន់តែប្រសើរ។ ខាងក្រោមនេះជាអត្ថន័យនៃផ្កាកុលាបចំនួន ៦ពណ៌ ដែលបង្ទី​១ ពណ៌ក្រហម

 មនុស្សស្រីដែលស្រលាញ់​ ឬចូលចិត្តផ្កាកុលាបពណ៌ ក្រហម ភាគច្រើនជានារីដែលពោរពេញទៅដោយ "ក្ដីស្រឡាញ់ និងមនោសញ្ចេតនា" នាងក៏ជាមនុស្សស្រីដែលមានមន្តស្នេហ៍ផងដែរ។ ទី២  ពណ៌លឿង

មនុស្សស្រីដែលស្រលាញ់​ ឬចូលចិត្តផ្កាកុលាបពណ៌លឿង ភាគច្រើនជានារីដែលពោរពេញទៅដោយ "ការស្រលាញ់ មិត្តភាព និងភាពរីករាយ" នាងក៏ជាមនុស្សស្រីដែលរួសរាយរាក់ទាក់ដែរ។  ទី​៣ ពណ៌ស្វាយ

មនុស្សស្រីដែលស្រលាញ់ ​ឬចូលចិត្តផ្កាកុលាបពណ៌ស្វាយ ភាគច្រើនជានារីដែលពោរពេញទៅដោយ "ភាពសប្បាយរីករាយ និងសេចក្ដីរុងរឿង" នាងក៏ជាមនុស្សស្រីដែលរឹងមាំ​រាល់ពេលជួបឧបសគ្គជីវិតដែរ។    ទី៤  ពណ៌ផ្កាឈូក

មនុស្សស្រីដែលស្រលាញ់​ ឬចូលចិត្តផ្កាកុលាបពណ៌ផ្កាឈូក ភាគច្រើនជានារីដែលពោរពេញទៅដោយ "សេចក្ដីស្រឡាញ់ ការដឹងគុណ និងការកោតសរសើរ" នាងក៏ជាមនុស្សស្រីដែលទន់ភ្លន់ និងគួរឲ្យស្រលាញ់​រាប់អានពីមនុស្សជុំវិញខ្លួនដែរ។ ទី​៥ ពណ៌ ស

មនុស្សស្រីដែលស្រលាញ់​ ឬចូលចិត្តផ្កាកុលាបពណ៌ស ភាគច្រើនជានារីដែលពោរពេញទៅដោយ " ការអាណិត​អាសូរ និងជំនឿដែលទាក់ទងនឹងវិញ្ញាណ" នាងក៏ជាមនុស្សស្រីដែលមានទឹកចិត្តល្អ ព្រមទាំងបរិសុទ្ធ ចេះជួយយក​អាសារ​មនុស្សគ្រប់គ្នាដែលត្រូវការជំនួយពីនាង។ទី​៦ ពណ៌ទឹកក្រូច

មនុស្សស្រីដែលស្រលាញ់​ ឬចូលចិត្តផ្កាកុលាបពណ៌ទឹកក្រូច ភាគច្រើនជានារីដែល​ចូលចិត្ត " ការចាប់អារម្មណ៍ និងការអបអរសាទរ" នាងក៏ជាមនុស្សស្រីដែលមានភាពក្លាហាន និងឆ្លាតផងដែរ ។ សរុបមកវិញប្រសិនបុរសជាគូស្នេហ៍អាចសង្កតដឹងថា មនុស្សស្រីដែលខ្លួនស្រលាញ់ ចូលចិត្តផ្កាកុលាប​ពណ៌​ណា​នោះ ពួកគាត់​ក៏កាន់តែងាយស្រួលក្នុងការយល់ចិត្តគូស្នេហ៍បានច្រើនដូចគ្នា៕