ទីបំផុត! សមត្ថកិច្ចបានរកឃើញសពជនរងគ្រោះ ដែលបាត់ខ្លួនដោយសារលិចទូកនៅខេត្តព្រះសីហនុហើយ

  • ពុធ ១៥ កញ្ញា, ២០២១ ២២:២៨
ព្រះសីហនុ៖ នាពេលថ្មីៗនេះ សមត្ថកិច្ចបានរកឃើញសាកសពជនរងគ្រោះ ដែលបាត់ខ្លួនដោយសារលិចទូកនៅក្នុងលម្ហសមុទ្រ នៅស្រុកស្ទឹងហាវ ខេត្តព្រះសីហនុ។នៅល្ងាចថ្ងៃពុធ ទី១៥ ខែកញ្ញា ឆ្នាំ២០២១ តបតាមបញ្ជារបស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងនគរបាលប៉ុស្តិ៍ទំនប់រលក សហការជាមួយកម្លាំងគណៈបញ្ជាការឯកភាពស្រុកស្ទឹងហាវ ដឹកនាំដោយលោក ស៊ុន ពិសី អភិបាលរងស្រុកស្ទឹងហាវ និងក្រុមមុជទឹកអង្គភាពកំពង់ផែស្វយត័ក្រុងព្រះសីហនុ ក្រុមការងារក្រុមហ៊ុន ជី.ធី.វី.សុី ស្ពីដប៊ូតកម្ពុជា ( G.T.V.C) ដឹកនាំផ្ទាល់ដោយ លោកឧកញ៉ា ទៀ វិចិត្រ បានស្វែងរកសពជនរងគ្រោះ ។ចំពោះជនរងគ្រោះមានឈ្មោះ ស៊ន មករា (ហៅឧត្តម)បានរកឃើញហើយ នៅវេលាម៉ោង៦ល្ងាចនេះ ដោយជនរងគ្រោះបានបាត់ខ្លួន ដោយសារករណីលិចទូកនេសាទមួយគ្រឿង នៅចំនុចចុងអូរ ប្រមាណចំងាយ១០០ម៉ែត្រ ស្ថិតនៅក្រុម១ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ កាលពីថ្ងៃទី១៤ ខែកញ្ញា ឆ្នាំ២០២១ ។អាស្រ័យហេតុនេះ សូមបងប្អូនទាំងអស់គ្នា បានជ្រាបជាព័ត៍មានផងដែរ៕សូមចូលទស្សនារូបភាពខាងក្រោម៖
ទីតាំងរកឃើញជនរងគ្រោះ