របៀបដែលតារានិករប្រុសៗ បង្ហាញក្ដីស្រលាញ់ចំពោះអ្នក!

យល់ដឹង៖ មនុស្សមានវិធីផ្សេងគ្នា ក្នុងការបង្ហាញពីអារម្មណ៍របស់ពួកគេ ចំពោះមនុស្សដ៏សំខាន់របស់ពួកគេ។ អ្នកធ្លាប់ឃើញពីរបៀបដែលអ្នក បង្ហាញសេចក្ដីស្រលាញ់របស់អ្នក ចំពោះនរណាម្នាក់ ដោយផ្អែកលើតារានិកររបស់អ្នក ប៉ុន្តែចុះយ៉ាងណាដែរ ចំពោះរបៀបដែលបុរសៗបង្ហាញសេចក្ដីស្រលាញ់របស់គាត់ចំពោះអ្នកវិញ?ខាងក្រោមនេះនឹងបង្ហាញពី របៀបដែលតារានិករប្រុសៗ បង្ហាញក្ដីស្រលាញ់ចំពោះអ្នក ៖♈️ Aries (Mar 21 – Apr 19)បុរស Aries អាចរឹងរូសបន្តិច។ ពួកគេ​គិត​ថា​វិធី​តែ​មួយ​គត់​ដើម្បី​ទៅ​ដល់​កន្លែង​ ដែល​ពួកគេ​ចង់​ទៅ​គឺ​ធ្វើ​វា​ ដោយ​ខ្លួន​ឯង។ អ្នកប្រាកដជាដឹងថាតើ Aries ស្រលាញ់អ្នកដែរឬទេ ប្រសិនបើគាត់រួមបញ្ចូលអ្នក នៅក្នុងដំណើរផ្សងព្រេងរបស់គាត់ ហើយប្រាប់អ្នកពីសេចក្តីប្រាថ្នារបស់គាត់។ វាបង្ហាញថាគាត់ទុកចិត្តអ្នកជាមួយនឹងបំណងប្រាថ្នា ដ៏ជ្រាលជ្រៅរបស់គាត់ ដែលជាអ្វីដែលគាត់នឹងមិនចែករំលែកជាមួយមនុស្សគ្រប់គ្នា ដែលគាត់បានជួបឡើយ។♉️ Taurus (Apr 20 – May 20)សម្រាប់បុរស Taurus ការផ្លាស់ប្តូរ មិនមែនជាអ្វីដែលពួកគេត្រូវតែទទួលយកនោះទេ។ ការ​ពិត​ដែល​គាត់​ប្រថុយ​ប្រថាន​នេះ ហើយ​បើក​ចំហ​ឲ្យ​អ្នក​ គឺ​ជា​ការ​បង្ហាញ​យ៉ាង​ច្បាស់​ពី​អារម្មណ៍​របស់​គាត់​ចំពោះ​អ្នក។ វាមានន័យថា អ្នកធ្វើឲ្យគាត់មានផាសុកភាពគ្រប់គ្រាន់ដើម្បីទទួលយកការផ្លាស់ប្តូរនេះ។♊️ Gemini (May 21 – Jun 20)សញ្ញាដែលប្រាប់អំពីអារម្មណ៍របស់បុរស Gemini គឺថាតើអ្នករក្សា ការយកចិត្តទុកដាក់របស់គាត់បានល្អប៉ុណ្ណា ដោយសារធម្មជាតិរួសរាយ ពួកគេចូលចិត្តរសាត់ពីមនុស្សម្នាក់ទៅមនុស្សម្នាក់ ដើម្បីស្វែងរកអ្វីដែលថ្មី និងគួរឲ្យរំភើបជាងនេះ។ ប្រសិនបើភ្នែករបស់គាត់ មិនដែលងាកចេញពីអ្នក ហើយអ្នកចាប់យកចំណាប់អារម្មណ៍របស់គាត់ អ្នកដឹងថាអ្នកបានទទួលគាត់ហើយ។
រូបតំនាង
♋️ Cancer (Jun 21 – Jul 22)ដូច​ទៅនឹងស្ត្រី​ Cancer ដែរ បុរស​ Cancer ​មាន​អារម្មណ៍​បើក​ចំហ​យ៉ាង​ខ្លាំង។ ពួកគេមិនមានបញ្ហា ក្នុងការប្រាប់ពិភពលោក អំពីអារម្មណ៍របស់ពួកគេនោះទេ។ នេះអាចរួមបញ្ចូលការបង្ហាញ ជាសាធារណៈជាច្រើន នៃការស្រលាញ់បស់ពួកគេចំពោះអ្នក។♌️ Leo (Jul 23 – Aug 22)បុរស Leo មានទំនោរចង់បង្ហាញ ពីអារម្មណ៍របស់ពួកគេច្រើន។ អ្នក​នឹង​ដឹង​ថាបុរស Leo ស្រលាញ់​អ្នក​ដោយ​សារ​តែ​គាត់​នឹង​ផ្តល់​អំណោយ ដែល​គ្មាន​ទី​បញ្ចប់​ដល់​អ្នក និង​ចាត់​ទុក​អ្នក​ដូច​ជា​ម្ចាស់ក្សត្រីរបស់គាត់អញ្ចឹង។♍️ Virgo (Aug 23 – Sep 22)បុរស​ Virgo ​ប្រហែល​មិន​ដឹងថាត្រូវ​ចេញ​មក​និយាយ​ ស្រលាញ់​អ្នក​ភ្លាម​ៗ​យ៉ាង​ម៉េច​ទេ។ អ្នកនឹងចាប់ផ្តើមដឹងពីអារម្មណ៍ពិតរបស់គាត់ នៅក្នុងរឿងតូចតាចដែលគាត់ធ្វើ។ គាត់នឹងផ្តល់ជំនួយ ទៅអ្នកគ្រប់ពេលដែលអ្នកត្រូវការវា មិនថាវាជាអ្វីដែលត្រូវដោះស្រាយនៅក្នុងផ្ទះ ឬជួយអ្នកធ្វើការឆ្លងកាត់បញ្ហាលំបាកនោះទេ។
រូបតំនាង
♎️ Libra (Sep 23 – Oct 22)អ្នកនឹងដឹងភ្លាមៗនៅពេលដែលបុរស Libra ស្រលាញ់អ្នក។ នៅពេលដែលបុរស Libra ធ្លាក់ក្នុងអន្លង់ស្នេហ៍ ពួកគេនឹងផ្តោតថាមពលទាំងអស់ របស់ពួកគេមកលើអ្នក។ គាត់នឹងប្រាកដថា នឹងត្រូវសរសើរអ្នក ដោយចៃដន្យពេញមួយថ្ងៃ ដើម្បីរំលឹកអ្នកថា គាត់យកចិត្តទុកដាក់នឹងអ្នក។♏️ Scorpio (Oct 23 – Nov 21)ស្នេហារបស់ Scorpio គឺខ្លាំងក្លាណាស់។ ពួកគេអាចមានការលំបាក ក្នុងការបើកចិត្តឲ្យទូលាយចំពោះអ្នកដទៃ ប៉ុន្តែនៅពេលដែលពួកគេធ្វើ អ្នកនឹងកាន់កាប់បេះដូងរបស់ពួកគេនៅក្នុងដៃរបស់អ្នក។ បុរស Scorpio បង្ហាញពីសេចក្តីស្រលាញ់របស់ពួកគេ ដោយជឿជាក់លើអ្នកទាំងស្រុង។ គ្រាន់តែធ្វើឲ្យប្រាកដថា អ្នកមិនធ្វើឲ្យខូចការជឿទុកចិត្តនោះទេ វាជាការភ័យខ្លាចដ៏ជ្រៅបំផុតរបស់ពួកគេ ក្នុងការមាននរណាម្នាក់ធ្វើដូច្នេះ។♐️ Sagittarius (Nov 22 – Dec 21)បុរស Sagittarius នឹងធ្វើឲ្យអ្នកសើច រហូតដល់អ្នកចេញទឹកភ្នែក គាត់ដឹងថាអ្នកជាអ្នកគាំទ្រលេខមួយរបស់គាត់។ គាត់នឹងបង្ហាញអ្នកថា គាត់ស្រលាញ់អ្នក ដោយដាក់សុភមង្គលរបស់អ្នក និងការសប្បាយរបស់អ្នក លើសពីអ្វីៗផ្សេងទៀតទាំងអស់។
រូបតំនាង
♑️ Capricorn (Dec 22 – Jan 19)បុរស Capricorn មិនមានលក្ខណៈមនោសញ្ចេតនាខ្លាំងទេ។ គាត់មានអារម្មណ៍យ៉ាងជ្រាលជ្រៅ ប៉ុន្តែក៏មានហេតុផលខ្ពស់ផងដែរ។ គាត់​ប្រហែល​ជា​មិន​បង្ហាញ​សេចក្តី​ស្រលាញ់​របស់​គាត់ ​តាម​រយៈ​អំណោយ​តិចតួច​ទេ គាត់​នឹង​បង្ហាញ​អ្នក​ក្នុង​សកម្មភាព​របស់គាត់ច្រើនជាង។ រាល់កិច្ចការដែលគាត់ធ្វើ នឹងជាប្រយោជន៍របស់អ្នក។♒️ Aquarius (Jan 20 – Feb 18)បុរស Aquarius ក៏ដូចជាស្ត្រី Aquarius ដែលតែងតែចូលចិត្តធ្វើរឿងផ្ទាល់ខ្លួន។ ទោះយ៉ាងណាក៏ដោយ ប្រសិនបើគាត់ពិតជាស្រលាញ់អ្នក អ្នកនឹងអាចចាប់យកភាពទន់ភ្លន់ និងអ្វីដែលគាត់មិនបង្ហាញដល់នរណាម្នាក់ ចេញមកក្រៅបាន។ វាពិតជាគួរឲ្យចាប់អារម្មណ៍ណាស់ ដោយមើលឃើញថាគាត់នឹងមិនបង្ហាញវា ដល់មនុស្សភាគច្រើននោះទេ។♓️ Pisces (Feb 19 – Mar 20)វាងាយស្រួលណាស់ ក្នុងការប្រាប់ថាតើបុរស Pisces ស្រលាញ់អ្នកដែរឬទេ។ គាត់​នឹង​ស្ញប់​ស្ញែង​យ៉ាង​ខ្លាំង ​ចំពោះ​អ្វី​ដែល​អ្នក​ធ្វើ។ដោយសារតែធម្មជាតិប្រកបដោយមេត្តា និងច្នៃប្រឌិតរបស់គាត់ គាត់នឹងស្វែងរកវិធីថ្មីៗ និងគួរឲ្យចាប់អារម្មណ៍ជារៀងរាល់ថ្ងៃ ដើម្បីបង្ហាញថាគាត់ស្រលាញ់អ្នក។ប្រភព: womenworking